食嘢嚟講，偷工減料冇乜所謂，但千祈千祈千祈唔好「加料」。

最近，江西南昌市有個楊小姐話自己同fd子喺酒店餐廳度食嘢嗰陣，竟然發現有啲嘢喺碟餸度郁下郁下喎，咁佢就用筷子撥一撥啦，點知原來係一條好長嘅蜈蚣嚟㗎！而佢個fd子仲已經吞咗少少落肚?……

媽呀！毛毛隔住個mon都覺得好想嘔……而佢哋就梗係向酒店投訴啦，跟住阿大廚就走出嚟話，呢條笨唔係蜈蚣，如果係蜈蚣嘅話，前面應該有兩條鬚鬚，所以……呢條係菜蟲，係冇問題嘅！唔信？我食畀你哋睇！！！！！

btw，雖然阿大廚親身證明嗰條只係菜蟲，唔係蜈蚣，但菜蟲呢樣嘢都好似唔應該出現喺碟餸度呀可？所以間酒店到最後都有承認錯誤……嗱，計毛毛話，人哋都表演完食蟲畀你睇咯，阿楊小姐你咪走啦唔好搞大件事囉～

圖片及資料來源：河北衛視