雖然我哋就見慣晒啲人係都要與民為敵，見啲市民鍾意乜就即刻拆乜，不過好在都仲有人係好珍惜大家嘅集體回憶㗎！

上年有個page些牙咗一張關於小丑鐘嘅店長回覆，網民嘅回憶即刻返晒嚟，話唔捨得小丑鐘呀！

呢個1987年就喺康怡嘅小丑鐘本身係識郁同報時嘅，雖然個鐘上面嘅小丑已經喺08年壞咗唔再識郁，但係都仲可以顯示到時間，一提返起，網民都話唔想拆呢個鐘。

不過康怡吉之島（而家叫Aeon，但係毛毛改唔到口梳）前排大裝修，大家都驚吉之島會唔會拆咗個鐘，你知啦而家個世界咩都要新簇簇，襯唔起啲新嘢嘅舊事物都冇得留底㗎嘛。

冇錯呀，佢就係講緊呢個小丑鐘！完完整整咁留返喺度呀！！！

如果香港其他珍貴嘅嘢都可以保留得到咁就好喇，下下為咗換新嘢扔晒啲集體回憶，城市冇咗個靈魂，得返個新殼有鬼用咩。

圖片來源：樂活鰂魚涌、Lok Hang Leung／柴灣人柴灣事