雖然毛毛又唔識媾女（哪有女呀你老＿）又唔識揸車（哪有車呀你＿母），但係都知道，如果想成功抄到女仔牌，最好就係揀個有車嘅女仔！因為多數車主都會寫定自己個電話冧巴擺喺車頭，如果架車阻到其他車主就等人可以call佢哋揸走架車呀嘛！咁咪唔使開口問都抄到牌囉！

如果咁多位車主想寫電話冧巴擺喺車頭又唔想咁悶，不如試下好似呢個同胞咁啦，用一堆麻將牌砌出嚟，連交警叔叔都讚佢有文化有内涵有新意呀！其實話唔定個車主係想約交警叔叔打返幾圈但又唔知點開口，先用咁嘅方法啫，hehe～

Between，好彩佢係用普通麻將咋，如果係用呢款磚頭麻將，交警叔叔都唔知夠唔夠力打呀！打唔成麻將咪做唔成雀友囉，做唔成雀友，咪照抄你牌囉咩呀！

封面圖片、資料來源：交警小強／微博

睇埋：【強國最強消脂麻雀】識打牌梗係用磚頭打啦 仲用水洗牌?呀！