話說有個來自台灣新北市嘅陳生，唔知係咪等錢使呢，佢竟然將一大疊陰司紙存入部櫃員機度，以為咁就可以呃到部機，令自己個銀行戶口多幾個0呀！

可惜，啲陰司紙入極都彈返出嚟，之後佢仲畀經過嘅市民發現，報警拉咗佢?。

唉，竟然以為部機會咁豬？你就真係豬咯……而喺警方同佢落口供嘅時候，佢竟然咁樣樣講喎，佢話：「因為紙錢燒了會不見，我要存給好兄弟花的！」

喂你又醒喎今次，啲陰司紙燒咗，咪唔見咗囉，你點知人哋收到呀？存入銀行就唔同呢！不過咁，阿哥仔你入嗰個ac好似係自己戶口嚟喎……做咩啫你哋？唔通人哋入完落自己ac再落數落好兄弟個戶口又要話你哋知咩？

圖片及資料來源：自由時報、TTV NEWS 台視新聞台