重口味嚟講，毛毛認第二，應該冇人認第七。最近，有位同毛毛一樣咁重口味嘅日本網民就向高難度挑戰，試下呢碗來自愛知縣安城市「大岩亭」嘅無敵濃湯拉麵：

嘩嘩嘩，呢一pat乜嘢嚟㗎，成兜泥漿咁樣樣嘅？呢個湯底果然濃過毛毛平時……食開嗰啲拉麵嘅湯底好多呀下！隔住個mon未知個湯底有幾濃郁？睇下～佢濃到連隻羹都可以插住喺度㗎！

吖，唔知食一碗無敵濃湯拉麵要飲幾多杯水呢？btw，望住呢兜差唔多變成糕狀嘅濃濃汁液……毛毛真係有啲飽。

選擇題，如果要大家揀食無敵濃湯拉麵定係食呢條杯麵雪條嘅話，你哋會點揀呢？er，毛毛就會揀……你不如一槍打死我啦.jpg。

圖片及資料來源：yukki_yp／twitter、虎撲體育