成日聽到女同事話朝早起身唔化返個妝執返啲眼耳口鼻就唔敢出街見人，毛毛聽到，真係笑而不語，心諗：其實你化咗同冇化都係咁樣樣㗎啦，你化到好似呢個細路仔咁先好講嘢啦！

唔好睇小呢個表面上普普通通嘅細路哥呀！其實佢都不知幾勁！佢直播自己化妝嗰陣，足足有成14萬人一齊睇佢㗎！

睇佢又搽粉底又打陰影，畫眼線又唔會手震震，仲要識畫埋白色眼袋，呀唔係，好似係叫卧蠶，化妝技術仲純熟過郵差叔叔送信純熟迅速送出！

嘩，化到中段，已經成個花旦咁樣樣！毛毛真係好期待呢個小戰士轉身變之後，是咪會變成美少女呀！

嘩嘩嘩！戴埋個假髮，chok下樣，真係變到成個長髮靚姐姐咁！如果淨係睇到佢大頭，就連閱女無數（閱啫，冇話啲咩）嘅毛毛都分分鐘畀佢呃到呀嗚呀！

嗱，唔好以為「唓，化妝咋嘛，家下係人都識㗎啦」呀，你睇睇呢個小學雞化妝世錦賽，就明㗎喇……是咪立馬覺得個14歲仔真係好Q勁呢。

Between，毛毛最想講嘅都係，希望個細路唔好放棄成為一個出色嘅喬裝師呢個咁偉大嘅理想。

封面圖片、資料來源： 微博

＜化妝系列＞

【吸氣，呼氣，上粉】生緊BB又點，醫生我要化妝呀！

【又有神還原】Snapchat Filter 妝都化到出嚟？

強國小學雞化妝世錦賽