早喺十幾廿年前，星爺已經教過我哋，大哥大電話可以當鬚­刨用，鬚刨可以當風筒用，皮鞋呢，又可以當返風筒用。所以呢，識用洗衣機，一定係當炒茶機咁用，咁就慳水慳力之餘，仲唔使睇火咁麻煩啦！

洗衣機唔止可以當炒茶機㗎，用嚟整菜脯一樣掂！話說台灣有個網民個FD子（佢的朋友不是佢）隨手抌晒堆衫入洗衣機，撳埋掣開機之後就出街打波啦～唔通坐定定等足成個鐘咩～

點知返到屋企，神奇嘅事就發生喇！成機衫都一大陣味，仲有啲唔知咩粒粒黐住晒，嚇到佢唯有用夾（連用手都唔敢呀陰公）夾起啲衫掉落垃圾桶！

唉，是咪佢得罪咗咩人自己唔知呀？可能佢上次冇請維修洗衣機哥哥飲汽水，人哋嬲嬲地整蠱佢都唔奇喎……當佢煩緊點清理洗衣機入面啲怪粒粒嘅時候，包租婆就返到屋企喇！原來啲怪粒粒係包租婆整嘅菜脯呀！嗚呀，用菜脯洗衫，真係夠晒和味啦今次。

你以為堆衫同菜脯一齊洗白白已經好驚嚇呀？少年，你真係太年輕喇，你見過洗衣機藏屍未呀？咁有咩恐怖得過發現一條姆明浮屍呀？就係三條呀……

封面圖片、資料來源：yspen／PTT

睇埋：【逼死了】竟然喺洗衣機發現三條姆明浮屍！