熊貓呢，出咗名繁殖率低，有得啪都好似懶到唔想啪，所以每隻熊貓出世都係一個奇蹟。不過，比利時嘅動物園近日就有個好消息，有隻熊貓BB成功出世呀！

呢隻大熊貓叫「好好」，一直都住喺比利時「天堂動物園」，今年2月開始發情，專家即刻安排佢交配，終於喺6月1號成功生咗隻熊貓BB。呢隻品種嘅大熊貓全球得返大約2000隻㗎咋，而比利時係20年嚟，第三個歐洲國家成功繁育大熊貓，真係好難得！

熊貓BB暫時仲未改名，網民話佢細細隻咁，成條粉紅色腸仔！

熊貓BB唔係毛未都出齊，而係一條毛都未出?呀！

熊貓媽媽表示：「好攰呀你班人仲影影影，畀我唞下啦！」好啦，咁毛毛都唔阻你同BB休息喇，希望BB健健康康，快高長大啦！冇乜事毛毛返出去扮做嘢先，拜拜！

睇熊貓BB片：

圖片及資料來源：BBC