曾幾何時，毛毛都係一枚人肉鬧鐘，每朝較幾百萬個鬧鐘叫醒自己，然後再打幾百萬個電話叫醒女神，試問毛毛又何嘗唔想有女女每朝都會叫床，I mean叫毛毛起床，咁呢？但喺有錢就是任性嘅強國，而家只要畀少少錢，就可以享受女女嘅晨早叫床服務喇！嘩，每朝都畀把溫柔嘅女仔聲叫醒，嗰日做嘢實夠精神爽利啫！

嗱嗱嗱，人哋好pro㗎，有名畀你叫做「叫早女神團」㗎！女唔女神呢家嘢呢，毛毛就唔評論啦，但佢哋除咗有晨早叫床服務之外呢，仲有送外賣同埋三陪服務㗎喎！

唔好諗錯隔離呀，佢哋話佢哋嘅服務係唔包陪瞓㗎，淨係包陪玩、陪打波同埋陪打機㗎咋！

聽落好似唔錯咁，搞到毛毛都有啲心郁郁，唔知…毛毛平時陪女神行街傾心事咁，應該收返幾多好呢？

封面圖片、資料及圖片來源：wenxuecity