毛毛成日都拎住部電話，捕捉住呢個世界，睇下影唔影到啲高汁靚相，然後呃下Like咁。但講到高汁，一定要同呢位天才學下嘢！

呢位6歲嘅男仔叫Hawkeye Huey，仲讀緊幼稚園㗎咋，不過佢影出嚟啲相已經喺《National Geographic》刊登過，嚟緊仲會出本作品集。

正所謂虎父無犬子，原來Hawkeye嘅爸爸係位攝影師，佢喺Hawkeye 4歲嘅時候，送咗部即影即有畀Hawkeye，令佢展開咗人生嘅攝影之路。

Hawkeye好鍾意自己部相機，仲跟住爸爸周圍去，一邊旅行，一邊影相，人生真係好寫意呀！

Hawkeye嚟緊會出本攝影集，佢話將來希望可以去澳洲影袋鼠喎！

嗚，可唔可以指點下毛毛，等毛毛幫女神影張靚相，氹下女神開心！

圖片及資料來源：Instagram/hawkeyehuey