好似毛毛呢啲一把年紀嘅廢青，周不時就會畀啲唔係好熟嘅同學派紅色炸彈，炸到毛毛五勞七傷，然後仲要毛毛懶高興咁去睇佢哋嗰場懶特別嘅婚宴！得罪講句，咪又係嗰啲心心呀、花花呀咁，邊似得好似呢對美國新人咁cult，結婚都要玩埋啲咩死人埋屍呀咁咩！

嗱，就咁睇呢張錫錫相係幾sweet嘅，同普通嘅結婚相都冇咩分別，之但係點解個新郎成隻手都紅晒嘅，唔通佢敏感？唔止咁，佢哋仲要拖住一個黑色大膠袋去森林，媽呀，好恐怖呀，佢哋是咪殺咗人呀，咁毛毛係咪隔住個mon嘅目擊證人呀？

查實係因為佢哋都係cult片嘅fans，所以先想模擬返cult片嘅場景嚟做自己婚紗相兼婚禮個theme啫，睇下佢哋連張帖都好cult㗎！

都真係幾重口味，毛毛睇到都有啲頂唔緊，不過能夠搵到一個同自己鍾意同一樣嘢嘅人係開心仔嘅！唔知毛毛幾時可以搵到個同毛毛一樣咁鍾意睇愛情動作片嘅人呢？

封面圖片、資料及圖片來源：miamiherald