好多後生仔都會覺得fashion嘅嘢，阿爸阿媽識條spring咩～嗱嗱嗱咁諗就錯喇，其實佢哋只係篤信「form follow function」嘅理念，覺得好地地一件衫唔應該整色整水搞咁多無謂嘢啫～

就好似毛毛之前買咗呢條唔長唔短褲返屋企咁呀，都畀老母鬧到九彩㗎，佢差在未出手幫毛毛補返晒啲窿窿咋！

不過呢個網民就冇咁好彩喇，聽講今年好興呢款露膊衫，借啲意露少少又唔露得晒，妹豬話呢啲就叫小性感小心機喎～個網民咪又跟風淘佬買咗件返嚟囉～

點知，呢個不知所謂嘅窿窿，竟然激發老竇嘅小宇宙，拎起支針幫乖女縫起佢！唔知老竇係真心覺得賣家咁衰畀件穿窿衫佢囡囡呀，定唔想囡囡小性感畀人睇蝕呢？

Any肥，咩原因都好啦，睇真啲，老竇手功又唔差喎！天衣無縫咪臭係咁解咋嘛！一針一線都體現到咩係父愛呀，哈利！

世上又點知止得爸爸好呢，老母都一樣咁關心自己囡囡著咩出街，驚佢著得唔夠體面會畀人話冇家教㗎。呢對襪左一撻右一撻，九成係囡囡冇分開深色衫同淺色衫洗，搞到染晒色啦！

唔使驚，老母喺大廳！就等媽咪用漂白水幫你漂返白對襪仔啦乖女！睇完呢兩個感人至深小故事，是咪即刻想停一停，諗一諗，睇下自己有冇擺咗呢啲寶貝入淘佬購物車呢……

封面圖片、資料來源：源源的小小君／微博

順手睇埋：

【Fashion嘅嘢】小姐你呢條係長褲定短褲呀？

【喊出嚟】阿媽以為對襪染咗色 即刻拎去漂返白