2016年06月04日 星期六
【毒L識食】成功率高達90％嘅水波蛋！
作為一個識食嘅毒L嚟講，食得最多嘅一定係蛋！由細個默書考試食嘅蛋，到大個自己煮嘅蛋，都係毒L必食！雞蛋又平，又多煮法，蒸炒煎炸樣樣都得，簡直係上天畀毒L最大嘅恩賜！不過咁，唔好睇小煮雞蛋，以為好普通呀，愈簡單嘅嘢先愈難煮得好呀！好啦，今日就等毛毛開心些牙點整水波蛋！即係好似溫泉蛋不過係用嚟配煙三文魚同包食嗰啲呀～
你首先要有：白醋、雞蛋6隻（如果有6條友）、糖呢兩茶匙、仲有啲橙皮?。
開一鑊水，煮到滾就隨心隨意隨便咁落啲白醋啦，等啲蛋白唔會散開變充滿唯美感嘅蛋花湯。
關鍵時刻嚟喇！熄火，落雞蛋，再用你自己隻手指以外嘅嘢（例如筷子）圍住隻蛋打圈，整個小漩渦出嚟～再慢慢浸熟隻雞蛋，憑感覺浸到咁上下就可以撈返上嚟喇～
唔好睇隻水波蛋好似好頹咁呀，其實都係睇你點present嘅啫。擺落碟意粉度，鋪張靚靚枱布，是咪成個法式旋轉生活feel出晒嚟先。
【毒L識食系列】
