2016年06月05日 星期日
【天真的小狗】以為要塞個頭落個窿度先飲到水
最近有位自稱「狗王子的專屬奴隸」嘅台灣網民，佢話佢帶狗狗去散步嗰陣咁啱要經過呢條橋，而橋上面又咁啱有個唔大唔細嘅窿，er……咁本身有個窿都冇咩特別嘅，但估唔到，隻狗狗會突然將自己個頭成個塞咗落個窿度飲水喎……
睇下～佢個pat pat仔趌得幾高，真係辛苦晒咯！狗仔呀狗仔，其實你又何必咁心急要飲水呢～你過埋條橋再飲咪唔使飲得咁辛苦囉。
以毛毛9估，佢唔係以為一定要喺呢個窿度先可以飲水，其實佢只係覺得唔辛苦邊得世間財，所以先出盡奶力將自己塞落個窿度啫！狗狗嘅苦心，你班愚蠢嘅人類識條鐵咩～
btw，其實啲水睇落好似唔多乾淨……呢位狗王子的專屬奴隸，你可唔可以唔好掛住笑同影相，即刻抱返佢上嚟先，等佢唔好飲到肚仔唔舒服啦好嗎？
圖片及資料來源：dcard
傻豬豬系列：
