早排台灣校服解禁，學校唔可以再用校服儀容做原因罰學生，諗起都爽呀！高雄有間中學就搞咗個「服儀自主管理日」，畀學生自己著咩自己話事喇～

有啲學生仲舉晒牌話要「公開會議、學生參與」、「服儀自主、開放男裙」。一睇見「我要真自由」個牌，毛毛都突然覺得好熱血！

有啲同學仔就著PE衫返學，方便呀嘛，有啲就用校服同屋企衫mix and match做下潮流教主，不過最charm都係呢個著短裙仔返學嘅男同學！佢話呢日著過裙仔之後，先知道原來著裙係咁麻煩嘅，唔自己試過都唔明點解女同學要爭取解禁。

講得好呀同學仔！其實點解要限制男仔有個男仔樣、女仔有個女仔樣呢？點解女仔可以著褲，男仔又唔可以著裙呢？呢啲問題，有邊個答到我哋呢？Btw，左手邊呢個男同學，please mind your hand呀下。

嘩，諗諗下，啲成日金晴火眼捉學生有冇Gel頭、的水有冇過耳仔、條裙及唔及膝、短襪有冇長過小腿一半長襪又有冇長過小腿一半（下刪一千條規定）嘅訓導主任會唔會失業㗎？

封面圖片、資料來源：自由時報、桃園市議員王浩宇