香港人生活節奏咁急，成日都怱怱忙忙咁，唔係漏呢樣就漏嗰樣，戴住副眼鏡問人有冇見過佢副眼鏡，一出門口先醒起漏咗把遮喺公司，幾鬼懵豬豬呀。

你睇下呀，成袋生豬肉漏喺月台都有㗎。天氣咁熱，生豬肉都焗到變熟豬肉喇～

仲有大頭蝦媽咪漏咗袋片片喺自動跪完機上面?。不過都唔係好誇張啫，你都未見過大蛇屙尿呀！

記得我國偉大聖人愛迪生話過：賭能醫百病。唔信？你睇下投注站呢枝孤獨的拐杖就知啦！佢主人一定係得到賭神顯靈幫佢醫返好隻腳！呀又唔係喎，其實話唔埋係馬會擺喺度，想送畀中獎嘅lucky guy，賀佢打跛腳都唔使憂啵！

封面圖片、資料來源：Tai Po 大埔