早排台灣有唔少妹豬都窮到燶，但又想去游水show身材，所以就諗到用7仔膠袋整泳衣呀！圖呢，毛毛就唔post出嚟喇，廢事大家喺公司或者搭緊車睇到會尷尬到紅都面晒呀嘛。

原來背心膠袋唔止整一件頭性感泳衣得，整雨褸都一樣得啵！台灣有個主人同佢隻法鬥仔行行下街無啦啦落大雨，人淋濕唔緊要呀，心肝寶貝狗淋濕晒就大件事呀嘛！所以佢就立馬諗到用膠袋整件雨褸仔畀狗狗喇！

睇落又幾fit身喎！其他狗狗見到實好葡萄啫！

呢排天氣仲難捉摸過女人心呀，但係如果好天，帶長遮又好唔方便，如果落雨，帶縮骨遮又會淋濕，搞到毛毛都想整返件又平又潮嘅膠袋雨褸呀。不過毛毛著上身應該係咁樣樣……

封面圖片、資料來源： 法國鬥牛犬