呢包嘢相當有可疑！話說美國有個16歲嘅妹豬，有日佢就叫阿媽幫手拎部計數機啦，點知阿媽拎拎下嗰陣，毛意中發現咗阿囡竟然收埋啲毒品喺房度喎……

嗱，一睇啲丸仔五顏六叔咁就知啲丸仔有幾毒啦，所以呢個阿媽咪即刻急召阿囡返屋企，仲話唔畀佢再出街囉！

唉，電視廣告都有話啦，毒品呢家嘢係「不可一，不可再」㗎嘛，所以今次毛毛都唔幫你喇。不過，呢個妹豬畀阿媽斷正唔say sorry不但止，竟然仲笑笑口咁叫阿媽放啲丸仔落水？

有啲丸仔跌落水～跌落水～跌落水～咦，說好的丸仔呢，點解變咗做恐龍嘅？哦！原來呢啲笨唔係毒品，只係遇水會膨漲嘅海綿玩具嚟㗎咋，阿媽你今次真係怪錯好人喇～

雖然件事就係阿媽搞錯，不過見到16歲嘅阿囡仲玩埋晒啲咁嘅無聊玩具，阿媽表示：「你而家係16歲定7歲呀？」

圖片及資料來源：acbanks3／twitter