想當年，毛毛豬屋企仲未有電腦嗰陣，最期待就係小學電腦堂嘅自由時間！一到自由時間，班男仔就會即刻玩啲打打殺殺嘅線上遊戲，無聊到呢……高層次嘅妹豬，梗係要玩返啲高層次嘅game㗎啦～冇錯，呢個高層次啲嘅game就係阿sue！只要見到阿sue個嘜頭，就代表嗰個係一個高汁game。

阿Sue化個靚妝遊戲

化妝遊戲嚟講，呢個game都算陰濕，因為只要你用錯化妝掃，你就會冇咗個心心，到冇晒三個心心之後……你就冇得再化，要game over㗎喇！嗚嗚！

不過當然難唔到毛毛豬啦～睇下，毛毛豬求其化都有83分，幾有成功感呀！

阿Sue剪個靚髮遊戲

化完妝梗係要set埋個靚頭啦～

老老實實，每次淨係可以睇一次貼士真係唔夠。

阿Sue整件靚衫遊戲

喂，化完個靚妝、set埋個靚頭，唔係唔design埋件靚衫呀？呢個game揀完咩cutting嘅衫，仲可以揀埋用邊隻布料?……咁多嘢揀，有選擇困難症嘅妹豬真係唔知點揀好喇。

阿Sue重新做人遊戲

即係咁，化妝呀整頭呀著衫呀呢啲始終都係後天，要徹底變靚嘅話，應該要重新做人先得嘞。留意返，個game入面個箭嘴真係郁得幾快下，如果你唔小心撳錯嘅話，真係好容易變異形……

重溫返咁多個同阿sue嘅回憶之後，毛毛豬真係好掛住阿sue……不如畀次機會大家，我哋重新嚟過啦好嗎？

圖片來源：ibravo、starsue

延伸閱讀：你一定會玩過嘅經典遊戲