毛毛呢啲毒L，睇英雄片嗰陣成日都會FF自己就係蜘蛛俠呀、蟻俠呀、美國隊長呀等等⋯⋯如果好似佢哋咁勁揪，一定追到女神啦係咪先？不過要練到美國隊長咁大隻，單手拉直昇機就冇乜可能㗎喇，做蝙蝠俠就可能夢想成真！

話說美國就有研究人員，開發出一套堅・蝙蝠衣。不過件嘢有乜咁巴閉先？係咪用嚟cosplay㗎？等毛毛睇過？

原來呢套堅・蝙蝠衣叫「Superflex」，當你一啟動件衫嘅功能，你嘅手、腳、成個身就會充滿力量，即刻大力咗，搬重嘢冇難度，仲可以減低肌肉同骨骼嘅損傷咁話。

件衫唔單止啱晒想做蝙蝠俠嘅人，連老人家著咗都可以取代傳統腳架，分分鐘行得仲好過、快過以前呀！喂，著件衫就變到大大力，今舖女神仲飛得出毛毛手指罅？不過呢件堅・蝙蝠衣就仲喺開發階段，未推出市場㗎，所以，毛毛都係返出去做嘢算喇⋯⋯

圖片及資料來源：Daily Mail