唔知有冇人同毛毛一樣，睇完哈利波特都好想要一隻貓頭鷹做寵物呢？電影入面嘅佢哋會送信、送包裹，現實中嘅貓頭鷹雖然可能做唔到呢啲嘢，但係佢哋都同其他動物一樣，需要人類好好咁愛護㗎！

呢隻貓頭鷹之前因為畀車撞到而受重傷，多得呢間美國動物救援機構幫佢，佢先慢慢變返做一隻有靚毛同靚翼嘅貓頭鷹咋！

其中一個工作人員喺照顧完佢之後就因為有啲事而離開咗呢個機構，佢都以為呢隻貓頭鷹會已經忘記咗佢㗎，但勢估唔到，最近呢個工作人員返返嚟個機構嘅時候，隻貓頭鷹居然認得佢，仲要鷹衝飛埋去佢度呀！

你睇佢哋貼晒頭咁，呢啲咪叫做愛囉哈利！

見到隻貓頭鷹個樣冧成咁，就好似睇緊真人版哈利波特同嘿美咁，真係隔住個mon都覺得佢哋sweet呀！毛毛相信，其實只要我哋真心咁愛護班小動物，佢哋係堅會feel到㗎！雖然對住女神就冇咩可能……

圖片來源、資料來源：Wild at Heart Rescue