影畢業相呢啲人生大事，梗係要叫晒親戚朋友姨媽姑姐嚟啦！話晒咁難得先畢到業喎……唉唔好講呢啲衰嘢住喇！話說台灣最近都係畢業季節，有網民就專登叫咗佢個86歲嘅爺爺嚟影相！

咁畢業相呢啲嘢就梗係你幫下我影我又幫下你影咁㗎啦，呢位網民就諗住叫爺爺幫手影返張相，但係爺爺就一直話哎呀我唔識呢啲高科技嘢㗎咁。阿爺你太年輕了，你以為你係咁say no就有用喇咩？冇用㗎，因為你揸機個舖屎已經徹徹底底咁出賣咗你喇！

毛毛9估呢個阿爺應該心諗：唉明明我已經退隱江湖咁多年，係都要迫人出手嘅……老子後生玩影相嗰陣，你粒孫都唔知喺宇宙邊個角落度啦！

其實而家好多老人家分分鐘仲潮過毛毛同你㗎喇，好似呢個識玩facebook嘅婆婆：

仲有用埋航拍機嚟趕雀嘅農夫婆婆……

潮到咁，真係毛毛都唔夠佢哋玩……

圖片來源、資料來源：ptt、邢黃滿金

回帶：【潮爆農夫婆婆】用航拍機嚟趕雀都畀你諗到？