毛毛以為自己寫咗咁多個毒L識食嘅post，喺劣食界都可以叫做佔一席位，勢估唔到日本有網民居然拎自己隻龜生嘅龜蛋去煎嚟食，molamola，毛毛今次真係徹徹底底咁輸咗喇。

嗱，又唔使聽到龜蛋就驚嘅！其實佢食嘅全部龜蛋都係呢隻龜生㗎，冇授到精，所以入面係冇小生命，可以放心咁食！佢主人都已經食龜蛋食咗幾年噜！呢隻龜仲有個花名叫做「初音烏龜」，事關佢每次生蛋都好鍾意走去主人張初音地毯度生，好有生活品味㗎！

好喇講返正經嘢先，話說個主人見又有新鮮龜蛋食，就嗱嗱臨拎晒啲蛋去煎喇！

古乳有暈，食餅有餅味！但呢個網民話，原來龜蛋食落係有五花肉嘅味㗎喎！嗯，個賣相望落又好似唔錯咁啵，毛毛個肚都開始有啲餓……

嗯，毛毛今次真係學到好多嘢呀！冇咩事毛毛都係出去煮個煎蛋麵食先。

圖片來源、資料來源：narupajin/twitter