世上有咩慘得過畀腦細捉到自己返工蛇王瞓教，就係畀腦細斷正自己蛇王之餘，仲要畀腦細強行合照，擺上飛時卜呀！嗱嗱嗱，毛毛作為扮工室專業冗員，梗係唔會犯埋呢啲低級錯誤啦，毛毛講緊嘅係呢個維珍航空嘅空少呀！

呢位空少堅係大膽呀下，竟然喺standby期間瞓覺喎！喂，老老竇竇，知唔知咩叫standby呀，即係好似毛毛咁，唔瞓，24小時工作，隨時on call，咁先係stand by嘛！仲要腦細影完張相先識醒，好在維珍個腦細睇落都幾nice，起碼唔會黑面黑足36小時先啦！

而家空少個樣揚晒，毛毛心諗佢應該唔敢再喺standby 嗰陣瞓覺㗎喇，萬一又畀腦細強行影相貼上飛時卜表揚點算呀！之但係如果真係好眼瞓咁點算好，er…或者可以學毛毛咁back after wake up 囉！

封面圖片、資料及圖片來源：virginaustralia