2016年06月13日 星期一
大台慈善表演冇經費 要樂手免費伴奏？
大台熱心公益，年中搞唔少慈善表演，又請歌手又請小朋友合唱團，節目不知幾豐富呀，不過話明係慈善表演，唔知表演嘉賓又有冇錢收返嘅呢？
答案就喺呢度！噚晚有個樂團post咗張WhatsApp cap圖出嚟，話自己收到邀請去大台一個慈善表演，不過就連like ＆ share都唔會畀返你，係冇錢收返㗎。諗落都幾商機無限喎，大台嘅商機呀。
堅持自己相信嘅價值！講得好，我哋撐你呀！
毛毛諗起舊年有間財務公司誠徵拍片人才，三條片又要入森林、又要上太空、仲要識跑數，但只係出五嚿水當製作費，個個網民都鬧爆嗰間公司唔尊重創作。諗諗下，其實有五嚿水已經好值得感恩囉。i mean 大台搞咁大個show都話冇經費咁慘豬，間公司仔竟然畀得起五嚿水，間財務公司要感恩呀。
封面圖片、資料來源： The Strings Amarta
＜睇埋：商機無限系列＞
