緣份呢家嘢，話嚟就嚟，就好似毛毛同肚入面包薯片咁，緣份要嚟真係要擋都擋唔住，呢啲咪天意囉！而天意除咗注定毛毛同包薯片有緣之外，仲注定咗呢對新婚夫婦嘅姻緣?～

話說河南有對新婚夫妻阿王生王太，佢哋係喺2011年嘅時候經朋友介紹而認識嘅。有次佢哋就一齊睇返以前嘅相簿啦，嗱，粉紅色衫嗰個妹妹咪王太囉～點知阿王生愈睇愈唔對路，原來隔籬個男仔就係佢自己？！

原來佢哋兩個早喺20年前就已經喺一個婚禮度見過面㗎喇，估唔到20年後佢兩個仲結埋婚呀下～

btw，之前都有對新人發現原來新郎哥同外母早喺16年前就影過合照啦～只不過唔係新郎哥同新娘子有緣，而係新郎哥同外母有緣咁啫。

嗯，冇咩嘅話，毛毛都係出去睇返啲舊相先，等我呀未來老婆！！！

圖片及資料來源：網易河南、都市快報

回帶：結婚前整理舊相 驚見阿媽出現喺未婚夫16年前張相度！