同胞有特別的出遊技巧，等自己可以7出國際就係人都知～不過咁，唔好以為佢哋次次都用返同一招呀，其實佢哋鑊鑊新鮮，包你讚嘆佢哋嘅創意㗎！

就好似喺台灣直接伸條脷入樽辣椒醬度睇下咩味，向對岸人民口水交流以示友好咁。

仲有連小日本電視節目都要介紹畀國民見識下嘅「中國式花見」咁呀。而最近，同胞又有新嘅特別出遊技巧畀全世界大開眼界喇！

有澳門網民去日本京都清水寺玩嘅時候，就親眼見識到一位強壯嘅同胞skip咗排隊呢啲咁多餘又繁複嘅動作，直接行入「音羽之瀧」（音羽の滝）入面用膠樽裝泉水！真係既方便又快捷！多謝你呀，今日毛毛真係學到好多嘢！

呢個「音羽之瀧」嘅泉水流落嚟嘅時候會分做三條水柱，就係學問成就之水、戀愛成就之水和延命長壽之水。不過唔可以咁大貪、想一次過滿足晒三個願望㗎，聽講只可以揀一款水嚟飲，而且仲要只飲一啖咁先靈㗎！不過呢位同胞為咗祈福，成身濕晒都唔care，一定會願望成真啫！

封面圖片、資料來源：愛瞞日報Macau Concealers

延伸閱讀：

【口水交流】強國大媽直接伸條脷入個樽度睇下咩味

【有特別的賞花技巧】日本電視節目介紹「中國式花見」