而家上網咁方便，去到邊都要post相打卡呃like是常識吧！不過人又post你又post，點先可以突圍而出呢？答案好可能就係要做啲正常人唔會做、唔敢做嘅出位行為！

呢位強國同胞就為我哋作出咗良好示範，教我哋咩叫推自己上位喇。佢喺陜西一個水庫郊遊嘅時候，唔知是咪覺得熱辣辣熱辣好熱好熱，所以要浸下腳消下暑呢，一句唔該都冇就同FD子一齊浸對腳落水，仲巧威威咁post相話「銅川人民是否都能喝到我的洗腳水」，最後咪搞到相關部門要介入調查囉。

毛毛極度懷疑同胞們都有舖浸腳癮㗎，早幾日之嘛，先有個大叔喺日本直接行入清水寺個「音羽之瀧」接泉水，搞到其他信眾一個唔小心就飲咗佢啲洗腳水當係聖水，真係隔住個都feel到……夠喇，唔好再講喇，再講毛毛真係嘔㗎喇，我一嘔就冇人可以阻止到我，所有人都會畀我即刻臭死！係咁先啦！

封面圖片、資料來源：騰訊新聞 

延伸閱讀：【跟住同胞去旅行】直接跳入清水寺池接泉水係咪特別靈㗎？