為咗約女神出街，你可以去到幾盡？毛毛答你唔到，因為，我從來冇成功過……睇嚟毛毛都要跟呢個小朋友學下嘢喇，事關佢雖然只得5歲，但已經有第一次約會，仲氹到個女女好開心?呀！

人仔細細，你又知咩叫約會？少年你太年輕了，人哋一早就問咗爸爸媽媽咩叫約會，做定晒功課，準備要約佢最好嘅朋友出街啦！

要約女神出街，講心也講金。呢個5歲小朋友就深明呢個大道理，除咗親手寫邀請卡之外，亦都用晒自己一直儲落嘅生日利是錢去請女女食pizza，個pizza店老闆都好識做㗎，喺碟甜品上面畫晒心心咁，即刻氹到個女仔好開心，話好enjoy今次約會呀！

第一次約會就一擊即中，?仔你真係太識玩法……望住呢個咁瀟灑嘅背影，可唔可以畀毛毛叫你一聲師傅呀喂？

圖片來源、資料來源：mirror