上星期日，一向敢於為本土發聲嘅「客貨van平台」CALL4VAN嘅facebook專頁，出咗一張「六月六號 革命啟動」嘅post，預告話要搞革命。6號嗰日，我哋就去咗搵創辦人Conrad，直擊佢將革命啟動！原來，幾年嚟一直艱苦經營嘅佢，想要對抗現時以價格低見稱、有大財團注資嘅對手，於是，就由提升司機服務質素嘅方向出發起革命，去嘗試改變行業生態，希望喺呢個商業社會，「堅持做自己」，都可以搵到一口飯！