話說有位台灣網民喺書局買咗本叫《越傭會話一指通》嘅書，諗住學下點樣樣同越南工人姐姐溝通啦，點知愈睇愈唔對路……本書個封面又話「會話」又話「溝通最佳好幫手」呀咁，但入面竟然話「人性是經不起試煉的」，叫啲僱主唔好亂放貴重物品？

咁……咁你叫人小心保管財物都冇錯嘅（好似係）。另外，本書仲話盡量唔好畀工人姐姐單獨出街，費事一去冇回頭喎！咦，咁工人姐姐係咪每次落街買餸都要僱主陪住先得呀？

而呢位網民睇完本書就咁樣講嘞：「根本就不是拿來學越語的工具書，而是讓你可以用手指指一指對越籍人士『下命令』用的。」 佢仲話呢本書「根本是把越傭當成奴隸在管」?……

即係咁，雖然毛毛窮L一個未請過工人姐姐，但毛毛深信一個道理，就係「你對人好，人對你好」！斷估你做到一個好腦細，員工都唔會恩將仇報啩？應該係，除非唔係。

圖片及資料來源：ettoday