正所謂飯可以亂食，毛真係唔可以亂剪，好似呢個日本網民咁，將自己啲腳毛剪到好似芭蕉葉咁樣樣，行起上嚟啲腳毛發下發下咁你都咪話唔瀟灑！

唔單止人㗎，毛孩啲毛都一樣唔可以亂搞，如果唔係就會好似呢隻喵星人咁，即刻失晒霸氣呀！

明明未剪之前都叫做充滿霸氣，佢啤一啤你仲唔嚇到即刻去幫佢剷sss呀！一日最衰都係個奴才，毛啦啦做咩走去剃晒人啲毛，仲要剃到好似個世界地圖咁喎！

唉點解我咁靚仔，但係要冇毛？搞成咁今晚點出去媾隔離屋隻貓女呀……

唔緊要㗎喵星人，等到七七四十九日之後啲毛就會生返出嚟㗎喇（好似係），呢段時間你咪計劃下點樣征服地球先囉！

圖片來源、資料來源：kohaku_komugi／twitter