通常嚟講，啲人只要見到「獨家發售」同「期間限定」等等嘅字眼就會忍唔住想買嗰樣嘢……咁又係呀，物以罕為貴呀嘛，更何況呢啲係銀河唯一嘅沙冰特飲呢～是咁的，話說有幾個台灣便利店店員見呢幾日係咁落狗屎、冇咩人嚟幫襯，搞到佢哋鬼咁死得閒喎，所以咪開始研發新產品囉！

首先出場嘅係「薄荷M&M星空酷繽沙」（啲名佢哋自已改㗎），材料有原味嘅M字朱古力、薄荷朱古力、薄荷朱古力包裝紙、朱古力粉同牛奶。um……其實塊薄荷朱古力包裝紙會唔會有啲多嚿魚？

跟住有「五彩繽紛如生活」，材料包括：原味M字朱古力、咖啡豆、K字巧克力同牛奶。

然後就有呢杯「草莓芒果夏日戀曲酷繽沙」，嗱，個名咁長，斷估呢杯應該最把炮！佢嘅材料包括士多啤梨latte、芒果、薄荷巧克力同熊仔餅。

另外，有網民見到呢幾位店員post嘅製成品，就話自己都飲過其他店員嘅自創沙冰：

雖然樣衰衰咁，但絕大部份網民都話係正嘅。btw，其實香港夠有伙記嘅自創食物啦，仲上埋報紙?！嗯，咪多嚿sss嗰個囉。

圖片及資料來源：dcard