古乳有暈，廣東人做雞有好多種方法，但做雞呢其實都有層次之分嘅，即係有啲雞係高級啲咁囉！不過點都唔及呢隻雞咁正，做雞做得佢可以同個靚仔環遊世界喎！

唔好睇少呢隻雞呀，佢有名㗎，叫Monique，係隻西班牙雞嚟嘅（好似係）！

而同佢一齊環遊世界嘅嗰位靚仔，就係24歲卜卜脆嘅法式小鮮肉旅行家Guirec Soudee ！嘩，可以同個靚仔一齊睇日落，真係好浪漫呀！

話說本來佢係諗住搵隻寵物陪佢旅行嘅啫，但當佢係西班牙見到呢隻雞嘅時候，就對呢隻雞一見鍾情，覺得冇錯喇，就係呢隻雞喇！於是就開展咗呢段一人一雞嘅浪漫旅程喇，仲順便可以有新鮮雞蛋食?！

你睇下佢哋一齊（上山）下海咁，幾sweet，真係葡萄死毛毛喇！

唉，隻雞去過嘅地方仲多過毛毛，公平咩？公平咩？公平咩？公平咩？公平咩？公平咩？公平咩？公平咩？公平咩？公平咩？毛毛下世投胎唔做人喇，做雞算喇！

封面圖片、資料及圖片來源：bbc