毛毛細細個睇小丸子嗰陣，已經好留意野口同學，覺得佢同毛毛一樣，都係零存在嘅透明感。

毛毛知道小時候對野口同學嘅憧憬只係流於自我FF，但估唔到竟然有日本網民同毛毛一樣，都係咁迷戀野口同學（好似係），仲用雪條整咗佢個樣出嚟！

嗚嘩，真係整得似模似樣喎，咁即係毛毛都可以用自己嘅方法去同野口同學重逢啦！

唔知呢個野口同學係咩味嘅呢，搞到毛毛好想一啖食咗佢呀！

不過查實呢個日本網民都有個朵嘅，叫咩雪條藝術師喎～超！好叻咩，毛毛開個word出嚟，夠可以叫自己做文字藝術師咯！

封面圖片、資料及圖片來源：i_sculptor/twitter