其實唔單止啲港女鍾意食日本嘢，毛毛都好鍾意食日本嘢㗎，只不過冇錢食，又冇女女整畀毛毛食之嘛！如果有女女（老母都計埋喇唉）肯整壽司畀毛毛吃，唔使好似呢位日本網友整得咁靚喇，淨係白飯壽司喇，毛毛都照吃可也呀！

係呀，其實啲鸚鵡壽司都係一嚿有色嘅白飯用個豆皮袋住，但整得咁有心機，毛毛就算隔住個mon都感受到係愛呀！

除咗有打耳到唔捨得食嘅鸚鵡壽司之外，連鸚鵡咖哩都有喎！

日本人真係，整督飯都有心機過人嘅，睇嚟毛毛都要畀心機學日文，溝返個架妹做老婆仔先得！

封面圖片、資料及圖片來源：inco_kitchen