曾幾何時，毛毛試過喺毛記電視城個pantry入面部水機度斟過一杯水，而呢杯水上面係有蟻嘅，自此之後，毛毛就對呢部水機有陰影……之不過，水機有蟻又點吖，呢部水機入面有青蛙?呀！

是咁的，話說有位台灣網民喺公司部水機度發現咗隻浮下浮下嘅青蛙仔，而有幾位同事因為唔知部水機入面有青蛙，仲將啲青蛙水飲咗落肚?……嗚哇，真係諗起都覺得我想嘔呀.jpg！到底隻青蛙仔係點樣走入去㗎呢？係咪有人唔小心射咗粒蝌蚪入去咋？

嗱，呢位網民就有返啲良心喇，而家唔係討論隻青蛙仔點樣入到個水樽入面嘅時候呀，唔該搵人救返隻青蛙仔出去先啦好嗎？另外，除咗飲水有青蛙仔送之外，之前有網民就試過食包送四腳爬爬喎：

btw，唔知飲青蛙水陰公GD吖，定飲鉛水陰公GD呢？計毛毛話，應該係飲青蛙水陰公GD嘞，因為飲鉛水係可以延年益壽㗎嘛，長命百歲又邊度陰公呢，係咪阿哈姆太郎？

圖片及資料來源：邱彬彬‬／爆料公社‬、Ricky Ling‎／盡在元朗

回帶：【睇見都飽系列】買麵包送四腳蛇

回帶又回帶：【睇見都飽系列】蟲蟲定黑椒飯？