食薯片嚟講，唔一次過啪晒包薯片落口都係唔尊重包薯片嘅，但如果係呢包薯片嘅話，就唔係話你想啪佢就可以啪佢喇！事關呢包笨唔係一包普通嘅薯片，而係一包用木雕成嘅薯片嚟呀！

話說有位來自日本嘅雕木大師川崎誠二，佢真係好L鍾意整木雕，之前都有雕過下魚乾呀、麵包呀咁嘅，而今次佢就挑戰雕薯片嘞！聽講佢用咗足足四個鐘頭先可以完成今次嘅作品㗎～真係勁花心機同時間囉。

睇下～上埋色之後似到呢……真係睇到呢兜木雕薯片都想一嘢啪晒佢哋落口呀！

老老77，用四個鐘頭嚟雕包薯片出嚟嘅耐性（同技術）毛毛就冇嘞，用四個鐘頭喛涼住冷氣食薯片毛毛都仲做到嘅。

圖片及資料來源：sawsnht／twitter

延伸閱讀：【係真唔係呀】用嚿木頭都雕到條魚乾出嚟？