（低八度）Long time no see long time no see～

正所謂人望高處，想做最TOP，就要做Big Bang嘅TOP，咁先會冧死天下間嘅女女㗎嘛！之不過，你哋估個個都可以做到TOP㗎咩，就連毛毛呢啲咁出色嘅男人都未carry到佢任何一個髮型……想做TOP？其實好難。

不過台灣呢位阿嫲就唔同，佢竟然連阿TOP個頭都駕御到呀！！！嗱嗱嗱，趁呢度人少少，阿婆你好講喇，你嘅真正身份係咪就係超級VIP？！

其實呢位阿嫲除咗駕御到阿TOP型仔頭之外，連法式旋轉比比鳥頭look佢都carry到㗎！er……雖然就有啲似跳水板，但擺喺阿嫲個頭度，就即刻有陣潮味出咗嚟～

睇過～阿嫲連中間分界都潮過人，毛毛仲有咩好講吖？！

嗯，毛毛都知自己啲頭毛就算點整都好，都係連阿嫲都不如㗎喇……唉，咁不如鏟光晒佢做《DOOM DADA》個大頭BB好過啦！（繼續低八度）DOOM DA DA DIVI DA DA DOOM～

封面圖片、資料及圖片來源：dcard