其實流浪狗狗冇屋企、冇主人已經好慘，我哋如果冇能力幫到佢哋，都起碼唔好蝦佢哋呀嘛！但係台灣一間酒店出面就有隻叫阿布嘅流浪狗狗畀衰人用噴漆噴到咁嘅樣！

本身白雪雪，睇個樣都知佢乖仔嘅阿布畀人噴到成日一撻二撻青BB，即使成個狗冇晒心機咁嘅樣呀。

阿布雖然係流浪狗狗，但其實係有好心人一直照顧住，每日餵佢食嘢，得閒又同佢洗白白嘅。阿布畀人噴噴漆之後，好彩有酒店員工幫咗佢沖涼咋。

屋企養嘅狗狗係生命，流浪狗狗都一樣係生命，點解要蝦街上嘅流浪狗狗呢？早幾日就有香港網民影到一隻流浪狗狗喺架巴士上面涼冷氣，兩位車長都企喺狗狗隔籬望住佢微笑，成個畫面幾warm呀！如果世界上大家都識得互相尊重就好喇，你話係咪呀哈姆太郎？

封面圖片、資料來源：爆料公社、Anthony's Bus Homepage 

＜流浪狗狗系列＞

【激讚】中六妹妹幫流浪狗狗搵領養

【超勵志的唷】台灣流浪狗狗變身型仔警犬

巴士叔叔，多謝你畀我上車避雨呀汪！