夏日熱辣辣，好熱好熱！唔想熱到畀高溫燒滾鳥？咁就梗係邊度都唔去，留返喺屋企歎冷氣㗎啦！

係，對大家嚟講，咁諗都好正常，不過對一啲低收入人士嚟講，想涼冷氣都唔係咁易。就好似呢位來自台灣嘅單親媽媽咁，佢一個人要照顧兩個囡囡，工作收入亦唔高，所以連想喺屋企裝部冷氣都負擔唔起……不過，台灣勝在有呢位好人到爆嘅水電「學徒」。

嗚哇，佢竟然肯唔收錢幫呢位媽媽裝冷氣？會唔會太好人呀！老實講，毛毛睇到呢度已經好滾動，不過原來更感人嘅係……

佢竟然為咗唔想令呢位媽媽覺得唔好意思，專登話自己係學徒，想練習下點樣裝冷氣呀！！！連呢位媽媽嘅感受都考慮埋，呢位暖男師傅實在太型喇～

睇下～大家睇唔睇到暖男師傅嘅汗水入面夾雜咗啲咩？冇錯，就係愛呀哈利！

圖片及資料來源：林耕宇