除咗上樓之外，其實毛毛仲有個夢想，就係可以有架車，得閒載女神去兜風……可惜理想還理想，哪有錢，你老_！唔講養車喇，淨係張牛肉乾呀，都已經要成幾嚿水啦！

可能呢位車主最近有啲手緊啦，要攝自己啲牛肉乾去人哋架車度，扮唔關自己事。咁佢又啱嘅，只要扮一直冇收過啲牛肉乾，咪唔使交囉（好似係！）

最衰嗰啲畀佢攝咗牛肉乾嘅車主沉唔住氣，影晒相post上facebook搞大件事之後仲要print晒出嚟話唔會幫佢畀錢啦！唉，計毛毛話，係print就應該print多幾張，貼到佢成架車都係，咁佢先感受到大家對佢嘅愛㗎嘛！

Between，聽講呢個博大霧車主其實長期違例泊車，喺條村度都已經出晒名㗎喇！估唔到佢仲會攝啲牛肉乾落人哋架車度喎！咁有創意，不如下次索性連架車都畀埋人啦？

圖片來源、資料來源：Rick Yuen/馬鞍山之友