唔好睇毛毛雄糾糾大大隻咁呀（好似係），查實毛毛同普通人一樣，除咗米老鼠之外，見到其他鼠鼠都有啲驚㗎！如果要毛毛去呢位台灣網友嘅同學屋企，就算真係美女都打咩呀！唔係有食唔食罪大惡極嘅問題……而係佢養咗150幾隻倉鼠嘅問題呀！

本來養倉鼠就唔是咩問題嚟嘅，但150幾隻就真係太多囉，睇下，搞到連倉鼠有土地問題喇！

你睇下佢哋，你疊我我疊你咁瞓得幾逼呀，一陣有隻肥啲嘅都隨時壓死下面嗰啲倉鼠呀！

唉，連倉鼠都有土地問題……毛毛見到佢哋就好似見到自己嘅縮影咁呀，嗚嗚！

不過以毛毛9估，可能呢位同學仔係做緊社會實驗啫～stay positive，dun spread negativity嘛！你話係咪呀倉鼠太郎？btw溫提，其實倉鼠係唔可以放埋喺同一個籠度養，因為佢哋會打交㗎！！！！！

封面圖片、資料及圖片來源：dcard