天下老母一樣識煮嘢食之外，仲係食物回收終點站，專門食埋仔女食唔晒嘅嘢食，唔好晒吖嘛！結果呢就搞到老母越嚟越肥，而呢位台灣網友老母，有一日終於忍唔住，要爆喇！

話說呢位網友成日眼闊肚窄，叫老母整大大個pizza之後又食唔晒，正一大㗰鬼！呢一日，呢位網友又重施故技，叫佢老母整塊pizza佢食，結果佢老母真係整咗一塊pizza畀佢食，不過呢…係一塊迷你pizza囉！

咁細塊，一啖都KO佢啦，咪啱晒啲胃口細嘅人食囉，又唔使畀老母回收，幾環保吖（好似係）！

薑，果然係老母嘅辣！不過要整咁細塊pizza，你估唔使功夫嘅咩，呢啲咪叫做愛囉！

封面圖片、資料及圖片來源：dcard