正所謂，你唔愛競爭，競爭都會搵上你，真係好鬼冤氣嘅啫！所以你唔難明白，點解啲怪獸家長要贏在射米青前，因為只要你喺嗰步贏咗，咁將來你嘅仔女就可以好似呢個強國?妹咁，拍片show off一下嘢嘢都皮皮聲嘅寶貝囉～

首先呢，佢就曬下佢個韓國包包先，然後就學啲YouTuber咁，開始佢呢條「What’s 你們買不起的 in my bag」喇！率先出場嘅呢就係韓國買嘅Hello Kitty名錶呀，嘩，陣好氣質（佢聲稱）出晒嚟呀！

嗱嗱嗱，唔好睇少呢嚿黃芩芩嘅膠三角錐體呀，查實佢係喺美國買返嚟嘅羽毛球電風扇，毛毛自問真係冇呢啲嘢喇，嗚嗚。

唉，毛毛越睇越自卑，唔好話美國韓國呢啲外國勢力吖，連淘寶貨毛毛都買唔起呀！為免毛毛縮到得返0.01，下面有片都係你哋自己睇啦！

所以話有錢真係任性，連個?妹都霸氣過人嘅，毛毛係窮逼，係零，零蚊嗰零呀…

封面圖片、資料及圖片來源：ettoday