毛毛聽講識整嘢食嘅男人特別charm，但計毛毛話，識煮暗黑料理嘅人，仲charm呀！因為佢哋識得化神奇做腐朽，能夠將一樣原本正正常常嘅食材煮成地獄料理，你估易㗎！

好似呢個台灣網友咁，見到人哋拍片將腸仔炸到變八爪魚好似好得意咁，咪跟住整囉，點知咁就發掘到佢嘅暗黑料理潛能喇！

嗯，都係乾咗啲同燶咗啲，都叫做啪得落口吖！之不過身為暗黑料理嘅使者，係唔會咁滿足㗎！於是呢位網友又走去再整過，今次係成條腸仔落鑊炸！

好好哋一條腸仔，竟然畀佢整到巨龍咁款，真係高手。到底佢係天使嘅化身，定係地獄嚟嘅使者？冇人知，毛毛淨係知，睇完張相之後唔知點解下半身有啲痛……

圖片來源、資料來源：vanessa0811／PTT