老老竇竇，如果腦細主動話畀毛毛放假，毛毛應該會即刻感動到喊出嚟，然後…繼續做嘢。你知佢啦成日黑面點知佢諗緊咩㗎！陣間炒咗毛毛咁點算喎，我咁愛公司！

你話佢好似呢間台灣公司咁白紙黑字寫到明畀員工拎假去搵真愛就話狗衝去拎假啫！有得放假，真係唔放？嗯，毛毛自問都叫做係鍍金雙子塔嘅傑出員工，腦細叫到，唔通唔聽咩！不過台灣有間便利店嘅店員竟然病到出唔到聲都堅持返工？唔係下化，玩到咁大？

呢個網友話喎，明明平時一入到便利店就會聽到店員大大聲咁嗌歡迎光臨㗎嘛，但呢間便利店居然靜到好似mute咗聲咁呀！

一切謎底已經解開喇！原來個店員扁桃腺發炎，講唔到嘢，於是就放咗個牌喺收銀台度話畀大家知，仲好細心咁用埋多國語言㗎！唉見到佢咁辛苦，雖然塊牌串錯咗and做anb毛毛都唔好意思怪佢喇真係。Between，多謝呢位員工又教識毛毛一招，下次如果毛毛病嘅話都要寫張大字報出嚟畀腦細睇先～

圖片來源、資料來源：dcard