古詩咋嘛，毛毛細細個就識背啦！唔信呀？即刻背畀你聽show下quali！賣Tomorrow，賣Tomorrow，一個美好的時代，我共你來創，無窮色彩。係咪好詩好詩呢～

不過強國一間中學嘅學生就冇毛毛背得咁出色喇，仲因為成績唔好，搞到畀老師罰抄呀！罰抄咋嘛，咁都係新聞？冇錯！因為呢個係富強國特色嘅罰抄！就係要將120首詩詞，每首抄50次，毛毛請嚟神算軒一算，即係加加埋埋抄成6000次呀！

抄成6000次咁多，容乜易手抽筋㗎？不過凡事都正能樣咁諗嘅～青藏高原一隻得道嘅雪橇曾經講過，人只要接觸同一樣事物嘅次數愈多，就愈容易將呢樣嘢記入腦，簡單啲講，即係洗腦。老師要你抄咁多次，都係for your own good咋。

其實如果同學仔識用呢招嚟罰抄，咪唔使咁辛苦囉，減一半，都係3000次咋咁大把啫，輕鬆啦。

封面圖片、資料來源： 陝西身邊事／微博、新浪網 

＜抄已罰系列＞

遲到要罰抄弟子規係咩玩法？

罰你抄學生手冊 你畫1000個顏文字出嚟交貨？