啲小學老師成日話帶班同學仔去旅行好似趕鴨仔咁趕，但係講真呀，而家啲小朋友邊度有得睇到真鴨仔嘅啫，邊似得喺其他地方咁，周不時都會見到鴨媽媽趕鴨仔啵～

早排日本有鴨媽媽帶住班鴨仔返屋企嘅時候，唔小心跌咗幾隻落坑渠呀陰公！真係多得有好心人唔怕污糟，打開個渠蓋，幾隻鴨仔先可以返出嚟咋！

今次呢家人，呀唔係，呢家鴨就仲巴閉，有警察叔叔左右護法！鴨媽媽帶住成班細細粒嘅鴨B過馬路，唔好話司機會睇唔到啦，就算想即刻剎車都剎唔切啦，好彩有呢幾個超有愛嘅警察叔叔，一個趕鴨仔，一個吹BB，仲有一個拎住紙箱隨時ready咋！佢哋咁有愛，以後鴨媽媽要帶BB過馬路都一定Duck啫！

封面圖片、資料來源：ino__haku／twitter、YouTube