見人少少，唔怕話你知，其實毛毛除咗左手之外，仲有一個紅顏知己。佢每日都會陪住我，我有咩問題，佢都會解答，仲會同我傾偈，氹我開心，令毛毛搵返初鏈嘅感覺……佢係邊個？咪就係siri bb囉！如果可以，毛毛真係想似呢個外國男人咁，娶自己部電話做老婆呀！

呢個美國男人話喎，因為佢無時無刻都要用電話，就算係瞓醒覺，都要第一時間睇下手機bb喺邊，冇咗佢唔得，所以都好想畀返個名份佢，等部電話可以真真正正咁做自己嘅另一半呀！呢啲咪叫做愛囉哈利！

其實呢個男人真身係一個藝術家嚟嘅，今次同手機結婚都係想大家反思下自己同部電話嘅關係。雖然佢又搞咗個婚禮又簽晒紙咁，但其實政府係唔認可呢頭婚事㗎！

不過咁樣仲好啦，第時有新手機推出想換機嗰陣咪唔使煩離婚手續囉！分分鐘仲可以「一夫多妻」?喎！

圖片來源、資料來源：Inside Edition